Serbia u jep falas 1000 çanta me pajisje shkollore nxënësve në Luginën e Preshevës

Çanta, libra, lapsa, fletore, trekendsha, vizore, kompas, guma etj, ka dhuruar Serbia, nxënësve në Luginen e Preshevës.

Viti i ri shkollor ka nisur si ka nisur edhe në Luginën e Preshevës, rajon ky tepër varfër dhe i diskriminuar dhe serbët kanë bërë një lëvizje të zgjuar. Paçka se politika e saj është denoncuar vazhdimisht nga Prishtina dhe Tirana, ajo ka vendosur të shërbejë vetë pajisje për nxënësit.

Paradoksi është se në prag të zgjedhjes në Kosovë ministra e zyrtarë të shteteve shqiptare të këtyre trevave u kishin premtuar ndihma me tekste e pajisje shkollore. Por, deri tash vetëm llafe, asgjë s’ ka pasur nga Prishtina dhe Tirana. Shkolla shqipe ka nisur mësimet me armatën e mijëra shkollarëve të “armatosur” deri në dhëmbë me lapsa, kompasa, fletore, libra e çanta, dhurar falas nga Serbia, shkruan agjencia e lajmeve “Presheva Jonë”

Të mërkurën, Presidenti i Trupit Koordinues për Jugun e Serbisë (KT), Zoran Stankoviç, shpërndau gratis qindra (rreth 1000) çanta shpine plot me mjete shkollore (libra, lapsa, fletore, trekëndsha, vizore, kompasa, goma etj.), për nxënësit e klasave të para në disa shkolla, ​​duke e nisur aksionin nga Dobrosini, si dhe shkolla fillore “Sami Frashëri” në Llucan të Bujanocit. Kjo s’ është hera e parë, por qe dhjetë kështu vepron Trupi Koordinues i Qeverisë serbe nga Beogradi, përcjell albinfo.ch.

---