Shaqiri fiton titullin në Angli

Skuadra e Liverpoolit ka siguruar titullin e kampionit pas 30 vjetësh

Liverpooli pas tre dekadash është shpallur kampion i Anglisë. Pjesë e kësaj skuadre është edhe ylli shqiptar, Xherdan Shaqiri.

Në fakt, Liverpooli nuk ka luajtur fare të enjten mbrëma, por ka mjaftuar fitorja e Chelseat ndaj Manchester Cityt 2:1, që “The Reds” të shpallen kampionë të Anglisë, shkruan albinfo.ch.

Deri në përfundim të këtij sezoni në Angli kanë mbetur edhe shtatë xhiro, por Liverpooli ka 23 pikë më shumë se Manchester City dhe me meritë fitoi titullin e kampionit.

Kujtojmë se Shaqiri është shqiptari i vetëm që ka fituar dy herë Ligën e Kampionëve. Këtë e bëri me Bayern Munichun dhe Liverpoolin në sezonin e kaluar, derisa tashmë ka fituar edhe titullin në Premierligë.

---