Shaqiri në ekipin e javës në Zvicër

Ylli shqiptar është rikthyer në top formë në Superligën zvicerane

Xherdan Shaqiri po kalon në një formë të jashtëzakonshme në Superligën zvicerane.

Ai ka realizuar 13 gola dhe ka dhënë 14 asistime, duke qenë njëri nga lojtarët më të mirë të kampionatit, njofton albinfo.ch.

Xherdani shënoi dy gola për Baselin në derbin ndaj Zurichut, në fitoren 0:4 të skuadrës së tij.

Ai është përfshirë në ekipin e javës, duke marrë notën 8.8.

Edhe futbollisti tjetër nga Kosova, Donat Rrudhani, ka gjetur veten në formacionin e javës.

Rrudhani ishte i pandalshëm për Luzernin, që fitoi 5:0 ndaj Young Boys Bern.

Në këtë sfidë, Rrudhani ishte më i miri në fushë, duke shënuar një gol dhe duke asistuar në një tjetër. Ai u vlerësua me notën 7.9.

 

---