Shaqiri, ylli i javës në Zvicër

Në 12 ndeshje të luajtura ka realizuar gjashtë gola dhe ka kontribuar me shtatë asistime

Sulmuesi shqiptar, Xherdan Shaqiri, është shpallur futbollisti më i mirë i xhiros së 15-të në Superligën e Zvicrës në futboll.

Kështu ka njoftuar të martën klubi i Baselit, transmeton albinfo.ch.

Shaqiri shkëlqeu të dielën, duke realizuar “hat-trick” në fitoren e Baselit 3:1 ndaj Servettes.

Ndaj Servettes, Shaqiri arriti “hat-trickun” e parë në ndeshjen e 488-të në karrierën profesionale.

Por, në 125 ndeshje ndërkombëtare nga tri gola i shënoi dy herë – ndaj Bullgarisë në vitin 2011 dhe ndaj Hondurasit në vitin 2014.

33-vjeçari Shaqiri po kalon superformë këtë edicion. Në 12 ndeshje të luajtura ka realizuar gjashtë gola dhe ka kontribuar me shtatë asistime.

 

---