SHBA-ja përgënjeshtron deklaratën e Daçiqit

Pas deklaratave të zyrtarëve serb për njohjet e Kosovës, Komiteti për punë të jashtme i Dhomës së Përfaqësueses ka reaguar, duke thënë se Kosova ka pavarësi dhe sovranitet të përhershëm.

Komiteti për Punë të Jashtme i Dhomës së Përfaqësuesve i është kundërpërgjigjur ministrit të Jashtëm të Serbisë, Ivica Daçiq, duke thënë se pretendimet e tij se shtetet mike po ia kthejnë shpinën Kosovës janë të rreme, shkruan Albinfo.ch.

“Pavarësia dhe sovraniteti i Kosovës janë të përhershme”, thuhet në reagim.

“Pretendimet mashtruese të Serbisë se shtetet po ia kthejnë shpinën Kosovës janë të rreme dhe po shkaktojnë zemërim në mbarë botën. Serbia duhet të ndalë këtë dhe të kthehet në normalizimin e raporteve me fqinjin e saj. Pavarësia dhe sovraniteti i Kosovës janë të përhershme”, thuhet në reagimin e Komiteti për Punët të Jashtme.

Beogradi zyrtar ka plasuar në vazhdimësi lajme se shtete të ndryshme e kanë tërhequr njohjen, siç ishte rasti i Guinea Bisaut e Liberisë, të cilat dolën të jenë të pavërteta.