Shefi i ‘Pfizerit’ thotë se vaksinimi do të bëhet i përvitshëm

Shefi i Pfizerit, Albert Bourla thotë se nuk bëhet fjalë më një për një dozë e dy; njerëzit sipas tij do të duhet të vaksinohen kundër koronavirusit për vite të tëra.

Shefi i Pfizerit, Albert Bourla thotë se nuk bëhet fjalë më një për një dozë e dy; njerëzit sipas tij do të duhet të vaksinohen kundër koronavirusit për vite të tëra.

Bourla, i cituar nga BBC, u shpreh se vaksinimi i përvitshëm është i nevojshëm për të ruajtur mbrojtjen e lartë kundër sëmundjes.

Deklaratat e tij vijnë në mesin e panikut që ka ngjallur varianti i ri i koronavirusit, Omicron, i cili u identifikua muajin e kaluar në Afrikën e Jugut.

Sipas Bourlas, Pfizer tashmë e ka modifikuar vaksinën me qëllim që të luftojë me variantin Beta, po ashtu të identifikuar në Afrikën e Jugut, dhe variantin Delta të pikasur për herë të parë në Indi, transmeton Tch, përcjell Albinfo.ch.

Aktualisht, kompania po punon në modifikimin e vaksinës si përgjigje ndaj Omicron, dhe ajo mund të jetë gati për rreth 100 ditë.

Deri në fund të këtij viti, Pfizer pritet të prodhojë edhe tre miliardë doza të vaksinës së saj (mRNA) ndërsa katër miliardë doza shtesë janë parashikuar për vitin 2022.

Bourla ka thënë mes tjerash se ka pasur nevojë globale për të mbrojtur njerëzit dhe se “më 2022 shtetet do të mund të kenë doza të vaksinës sipas nevojës”.

 

---