Shënohet Dita ndërkombëtare e remitencave, Kosova ka rritje ndër vite

Dita ndërkombëtare e remitencave u shpall unanimisht nga të gjitha 176 shtetet anëtare të Fondit Ndërkombëtar për Zhvillimin e Bujqësisë në shkurt 2015.

Kjo ditë është njohur nga qeveritë, rregullatorët, institucionet financiare dhe organet e zhvillimit.

Ndërsa në Kosovë remitencat vazhdojnë të luajnë një rol shumë të rëndësishëm për familjet kosovare.

Falë kontributit të pandërprerë të mërgimtarëve, shumë familje në Kosovë kanë mbijetuar. Por remitencat janë shndërruar edhe në faktor kyc në zhvillimin ekonomik të Kosovës.

Në vitin 2023, remitencat e diasporës në Kosovë kaluan 1.3 miliardë euro, përkatësisht 1 miliard e 343.4 milionë euro.