Shiu dhe bora rëndojnë trafikun në rrugët e Zvicrës

Mot i lig, me borë në vise të larta dhe me shi në ultësira ka mbajtur gjatë gjithë natës së mbrëmshme dhe po vazhdon edhe sot, në shumicën e regjioneve të vendit. Të reshurat dhe temperaturat e ulëta rrezikojnë që rrugët të mbulohen nga akulli, ndërsa ekziston po ashtu rreziku, që në regjione të caktuara, të ketë vërshime.

Një mot i tillë ka bllokuar komunikacionin në disa pika dhe ka shkaktuar aksidente të shumta. Në kantonin e Tesinës, reshjet e mëdha të borës kanë ndërprerë përkohësisht qarkullimin e kamionëve, si në Gothard ashtu dhe në San Bernardino.

Në aeroportin e Luganos, ndërkaq, janë anuluar gjashtë fluturimet e parat ë mëngjesit të sotëm.