Shkaku i koronavirusit, mbyllen të gjitha shkollat dhe bizneset në Hong Kong

Ka shkuar mbi 800 numri i përgjithshëm i personave të vdekur nga koronavirusi, duke e kaluar shifrën e vdekjeve të shkaktuara nga virusi SARS në vitin 2003

Zyrtarët shëndetësor në epiqendrën e virusit, në provincën Hubei të Kinës, njoftuan se vetëm në këtë rajon deri më tash kanë vdekur 780 persona. Vetëm dy nga mbi 800 rastet fatale janë shënuar jashtë Kinës.

Virusi kinez është përhapur shumë në Kinë dhe frika e koronavirusit nëpër Hong Kong, duket se ka kapluar myshterinjtë pasi që kanë humbur apetitin që të darkojnë jashtë shtëpisë.

Në mesin e të prekurve nga rënia në biznes, është Mark Lam që menaxhon rrjetin e restoranteve “Thai” në Hong Kong.

Ai ka thënë se puna ka rënë për 70 për qind shkaku i koronavirusit, transmeton KTV.

Lam ka frikë se situata mund të zgjasë me muaj të tërë. Kjo do të thotë se shumë restorante do të mbyllen shkaku i krizës që mund të shkaktohet.

Përveç restoranteve, krizën e kanë ndier edhe dyqanet më luksoze të Hong Kongut. Pas protestave të dhunshme që kanë vënë në gjumë bizneset, ato tani janë goditur nga përhapja e virusit vdekjeprurës.

Shumë qytete kineze janë bërë qytete fantazmë gjatë këtyre di javëve.

Duhet theksuar se Qeveria atje ka urdhëruar mbylljen e të gjitha shkollave dhe bizneseve deri në muajin mars, pëcjell albinfo.ch.

---