Shkëlqimi i Shaqirit

Xherdan Shaqiri vazhdon të shkëlqejë në futbollin zviceran

Ylli shqiptar Xherdan Shaqiri vazhdon të shkëlqejë në Superligën zvicerane.

Në ndeshjen e fundit, në derbin ndaj Zurichut, Baseli fitoi bindshëm me rezultat 0:4, ku Shaqiri shënoi dy gola, shkruan albinfo.ch.

Ai realizoi një gol nga afërsia dhe një tjetër nga gjuajtja e lirë.

33-vjeçari Shaqiri, në 31 ndeshjet e zhvilluara deri më tani, ka realizuar 13 gola dhe ka dhënë 14 asistime, duke shkëlqyer në Zvicër.

Shaqiri është golashënuesi më i mirë në Zvicër dhe gjithashtu asistuesi më i mirë.

Baseli vazhdon të jetë lider me 58 pikë, ndërsa Servette ka shtatë pikë më pak dhe ndodhet në pozitën e dytë. Zurich renditet në pozitën e gjashtë me 47 pikë.

 

---