Shpëtimtarët zviceranë kanë mbaruar punë në Japoni

Ekipi shpëtimtar i Zvicrës që kishte shkruar pas tërmetit dhe cunamit në Japoni, i drejtuar nga DEZA (Drejtoria për Bashkëpunim dhe Zhvillim), ka përfunduar punën e tij. Kështu ka deklaruar për radion zvicerane DRS Toni Frisch, udhëheqës i trupave për ndihmë në fatkeqësi.

Sipas tij, zviceranët janë në tërheqje e sipër drejt veriut, respektivisht drejt një baze ushtarake amerikane. Ndërkaq, ai ka theksuar se që nga fillimi ka qenë e qartë se shanset për të gjetur njerëz të mbijetuar kanë qenë mjaft të pakëta.

Ai po ashtu ka theksuar se janë bërë përpjekjet maksimale që pjesëtarët e ekipit të mbrohen nga rrezatimi. Brenda vetë ekipit ka pasur disa ekspertë të mbrojtjes nga rrezatimi, ka thënë Frisch.