Shqipëri: Rritet numri i infektimeve dhe vdekjeve nga Covid-19

451 persona janë infektuar, derisa 7 kanë humbur jetën gjatë 24 orëve të fundit

Shqipëria, e cila deri më tash ka pasur një situatë më stabile për sa u përket infektimeve me Covid-19, ditëve të fundit ka shënuar ngritje të rasteve me infektime dhe rritje edhe të numrit të të vdekurve.

Ministria e Shëndetësisë në Shqipëri njofton se gjatë 24 orëve të fundit, nga 4081 testime, 451 qytetarë kanë rezultuar pozitivë me COVID-19.

Derisa gjatë këtij 24 orëshi 7 qytetarë kanë humbur betejën me sëmundjen.

“Ministria e Shëndetësisë u bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 18 vjeç mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet”, thuhet në apelin e Ministrisë së Shëndetësisë.

---