Shqipëri: Vazhdon rritja e rasteve me Covid-19

Ministria shqiptare e Shëndetësisë ka njoftuar se gjatë 24 orëve të fundit 1 qytetar ka vdekur si pasojë e COVID-19, derisa 482 janë infektuar.

“6419 pacientë aktivë me COVID19 në të gjithë vendin. Aktualisht në spitalet COVID po marrin trajtim 97 pacientë, nga të cilët 9 janë në gjendje më të rënduar. Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve”, thuhet në njoftim.

Me gjithë përpjekjet e mjekëve, në 24 orët e fundit ka 1 humbje jete me SARS-COV2 pozitiv: një qytetare nga Elbasani 78 vjeçe.

Janë shëruar 311 qytetarë gjatë 24 orëve të fundit, duke e çuar numrin e të shëruarve në 201,069 që nga fillimi i epidemisë.