Shqipëria dhe Kosova të fundit për pagën mesatare të ulët në rajon

@pixabay

Një matje e fundit në rajon tregon se Shqipëria është e parafundit sa i përket pagës mesatare.

Një rritje e pagës mesatare në fund të 2023 me 10 mijë lekë Shqipëria nuk e përmirësoi pozicionin në krahasim me rajonin. 75 mijë lekë ose në monedhën evropiane referuar kursit zyrtar të Bankës së Shqipërisë 723 euro.

“Duke pasur edhe një politikë më agresive se vendet e Ballkanit të cilët kanë bërë një rritje sistematike dhe nuk kanë pritur një vit të caktuar për rritjen e madhe pavarësisht se kemi mbrapa Kosovën”, thotë Eduart Gjokutaj, ekspert ekonomie.

Në rajon, kryeson Serbia për pagën mesatare bruto 1,112 euro ndjekur më pas nga Mali i Zi me 1,024 euro, Bosnje dhe Hercegovina 1,023 euro, Maqedonia e Veriut 975 euro dhe në fund Kosova me 521 euro.

“Vendi kampion nga i cili duhet marrë dhe modeli që lidhet me produktivitetin e administratës është Serbia dhe Maqedonia e Veriut të cilët e konkurrojnë me shërbime pavarësisht se nuk kanë nivelin e dixhitalizmit të shërbimeve publike siç i ka Shqipëria”, shtoi Gjokutaj.

Nëse Shqipëria krahasohet me vendin me pagën më të lartë në rajon, shqiptarët paguhen rreth 53% më pak./A2CNN