Shqipëria, çmimet më të shtrenjta në rajon për ushqime

Megjithëse shqiptarët janë më të varfrit e Evropës, kur vjen puna te çmimet e ushqimeve, ato janë më të lartat në rajon, duke ua kaluar edhe disa vendeve të Bashkimit Evropian.

Sipas të dhënave të publikuara nga Eurostat për nivelin e çmimeve të ushqimeve dhe pijeve joalkoolike, Shqipëria më 2018-n ka shënuar nivelin 79%, nga 100% që merret niveli mesatar i çmimeve të BE-së.

Pas Shqipërisë renditet Mali i Zi dhe Maqedonia, me një nivel çmimesh 78%, duke u ndjekur nga Bosnjë e Hercegovina me nivelin 76% dhe Maqedonia e Veriut me 62%. Por, këto të dhëna nuk e përfshijnë Kosovën, transmeton albinfo.ch.

Më 2018-n niveli i çmimeve të një shporte të krahasueshme me ushqime dhe pije joalkoolike në Bashkimin Evropian ishte dy herë më i lartë në shtetin më të shtrenjtë në krahasim me vendin më të lirë.

Ky është një tregues që kostoja e jetesës në Shqipëri është e lartë, në raport me të ardhurat.