Punëtorë nga Bangladeshi e India në Shqipëri

Mungesa e punëtorëve të aftë për tregun e punës dhe ikja e të rinjëve ka detyruar bizneset në Shqipëri që të shikojnë alternativa nga vendet tjera

Bizneset shqiptare janë orientuar drejt Bagladeshit e Indisë, duke marrë punëtorë të huaj, transmeton albinfo.ch.

“Unë jam nga Bangladeshi. Kemi zgjedhur të punojmë në Shqipëri, sepse kjo punë është e rëndësishme për ne, që të ndihmojmë familjet tona. Ne kemi nevojë për këto para. Në këtë fabrikë jemi 13 persona nga Bangladeshi. Jemi të kënaqur nga paga, edhe pse ne jemi fillestarë, mbi të gjitha njerëzit janë shumë miqësorë me ne”, thotë për Tch një punëtor nga Bangladeshi.

Nevoja për punëtorë nuk po i lejon bizneset shqiptare që të zgjerojnë kapacitetet e tyre. Pavarësisht se pagat janë përmirësuar, sërish shqiptarët preferojnë të punojnë jashtë vendit.

Marrja e punëtorëve nga jashtë është parë si zgjidhje nga shumë subjekte, sidomos ato të prodhimit dhe të industrisë. Në zonën e ish-kombinatit Metalurgjik në Elbasan, shumica e bizneseve tashmë po i drejtohet tregut ndërkombëtar të punëtorëve.

 

---