Shqiptari, „Mbret i ruletit 2011″

Të premten e kaluar, më 11 nëntor, në kazinonë Bad Zwischenahn të Gjermanisë, është zgjedhur “Mbreti i ruletit 2011”.

“Eli.L.” është emri jo i plotë i fituesit, i cili sipas portalit casinoland.de është shqiptar. Eli.L., ka fituar bindshëm, duke i përdorur në mënyrë aktive 100 monedhat e arta (Königstaler) në “lojën kurorëzuese”, ashtu që në rundin final mundi t`i fitonte plot 198 monedha “Königstaler”, me të cilat siguroi titullin e mbretit.

Përveç kurorës, ai ka fituar edhe 3000 euro para të gatshme si premi për fitoren.

Meqë edhe në rundin paraprak, më 9 nëntor, shqiptari 51 vjeçar duke “hedhur në kockë” zhetonët prej 1400 eurosh kishte fituar 7000 euro, e gjithë shuma e fituar nga ai është 10.000 euro.