Shqiptari nga Kosova, i katërti në Kampionatin Evropian të Garave Malore

Shqiptari nga Kosova, Valdet Kaçandolli, ka dalë i katërti në Kampionatin Evropian të Garave Malore (EHC). Për këtë ka njoftuar Ministria e Kulturës, Rinisë dhe Sportit, e cila ka thënë se kjo është një tjetër arritje e Valdetit.

“Pas sukseseve të njëpasnjëshme dhe shpalljen kampion në kampionatin e Evropës Qendrore(CEZ), kjo është edhe një arritje tjetër e tij”, ka shkruar MKRS në një postim në Facebook, transmeton albinfo.ch.

“Deri më tani, Valdet Kaçandolli është i vetmi garues nga Kosova që ka marrë pjesë në të gjitha garat e kampionatit. Duke filluar nga Austria, Spanja, Portugalia, Çekia, Gjermania dhe së fundmi, Italia, garuesi ynë nuk ka reshtur të japë më të mirën në mesin e konkurrencës më të fuqishme evropiane. Sfidat e ardhshme për të do të jenë në Poloni, Zvicër, Slloveni e Kroaci”, thuhet tutje në njoftimin e ministrisë.

Pjesëmarrja e garuesit Valdet Kaçandolli në gara ndërkombëtare është lehtësuar përmes mbështetjes nga Ministria e Sportit, fondi i Mobilitetit./Albinfo.ch