Shtesa fëmijësh për të gjithë

Në të ardhmen, të drejtën e shtesave do ta gëzojnë edhe personat që ushtrojnë veprimtari të pavarur

Pas Dhomës së Kantoneve, edhe Dhoma Federale e Parlamentit Nacional ka dhënë pëlqimin për revizionin e ligjit mbi shtesat e fëmijëve.

Në bazë të ligjit të reviduar, në të ardhmen, të drejtën e shtesave do ta gëzojnë edhe personat që ushtrojnë veprimtari të pavarur.

Deri më tash, kësaj kategorie personash u janë paguar shtesat vetëm në disa kantone. Kjo ka bërë që sot në Zvicër për 75`000 fëmijë të mos paguhen shtesa.

Personave me veprimtari të pavarur, shtesat fëmijërore do të ju paguhen përmes përqindjes që do tu ndalen nga fitimi.