Shtetasi gjerman tentoi t’i korruptojë policët me 100 euro, arrestohet në Kaçanik

Dyshohet se kreu shkelje të rënda në komunikacion dhe u ofroi ryshfet zyrtarëve policorë për t’iu shmangur gjobës

Policia e Kosovës ka arrestuar një shtetas gjerman në Kaçanik, i cili dyshohet se, pasi kreu shkelje të rënda në komunikacion, tentoi t’u ofrojë ryshfet zyrtarëve policorë për të shmangur ndëshkimin, transmeton albinfo.ch.

Sipas raportit 24-orësh të Policisë së Kosovës, rasti ka ndodhur më 28 korrik 2026, rreth orës 23:10, kur i dyshuari, duke drejtuar një veturë, kishte kryer lëvizje të rrezikshme në komunikacion.

Gjatë ndërhyrjes së policisë, ai dyshohet se u ka ofruar zyrtarëve policorë një shumë prej 100 euroshme qëllim që të mos gjobitej për kundërvajtjet e kryera.

Me vendim të prokurorit, i dyshuari është intervistuar dhe më pas është dërguar në mbajtje, ndërsa rasti po hetohet nga organet kompetente./Albinfo.ch

---