Shtohen lidhjet dhe shkurtohen rrugët për në Paris

Investohen 100 milionë franga për trenat TGV. Kompania TGV Lyria, në flotën e saj të trenave do të ketë edhe 19 makina

Shtohet numri i lidhjeve hekurudhore të Zvicrës me Parisin. Duke filluar nga dhjetori, do të ketë 19 lidhje në mes të këtyre dy destinacioneve. Për të realizuar këtë shtim, SBB është duke investuar 100 milionë franga për trenat e rinj të shpejtë francezë TGV.

Ky investim është pjesë e marrëveshjes së re të bashkëpunimit që SBB ka lidhur me simotrën e saj frënge SNCF. Kompania subsidiare e dy të lartpërmendura, TGV Lyria, në flotën e saj të trenave do të ketë edhe 19 lokomotiva, shkruan drs.ch.

Me lëshimin që qarkullim të  linjës së re Rhin-Rhone nga dhjetori i këtij viti, rruga nga Bazeli deri në Paris do të shkurtohet për 24 minuta dhe do të mund të përshkohet për tri orë e tre minuta.

Po ashtu do të shkurtohen edhe lidhjet nga Berna, Lozana dhe Cyrihu për në Paris.