Shtrenjtohen vendparkingjet në Cyrih: 1 orë, 3 franga

Duke filluar nga 1 prilli në Cyrih vendparkingjet do të jenë më të shtrenjta. Një orë do të kushtojë tri franga.

KEYSTONE

“Ne jemi duke i rritur tarifat e parkimit për herë të parë pas 23 vjetësh”, tha shefi i sigurimit, Richard Wolff (AL). Nisma për ndryshimin e tarifave të parkimit në zonën e qytetit ishte ngritur në Këshillin e qytetit.

Kjo masë ka për qëllim të arrijë një efekt për të promovuar transportin me mjete të tjera të lëvizjes. Vjeshtën e kaluar 51.6 për qind e banorëve të qytetit votuan për këtë rritje të tarifës.

Projektligji ka përfshirë një rritje në zonat ekzistuese të tarifave në brendi të qytetit “Innenstadt” dhe “Oerlikon”, si dhe krijimin e një zone të re të lartë tarifore, “Cyrih-Perëndim”.

Në zonat e qytetit tarifat e parkimit janë 3 CHF për 1 orë (më parë ishin 2), 11.50 CHF për 4 orë (më parë CHF 11). Në zonat e tarifave të ulëta nuk ka ndryshim të tarifave.