Austri: Shumë furra buke në prag të mbylljes, çmimet e energjisë, të papërballueshme

Furra austriake kanë ndierë presion në rritje ndërsa çmimet e gazit dhe energjisë elektrike rriten, njoftoi transmetuesi ORF, duke cituar përfaqësuesin tregtar, Josef Schrott, përcjell albinfo.at.

“Kostot e energjisë janë deri në dhjetë herë më të larta se vitin e kaluar. Shumë furra buke po mendojnë të mbyllen përgjithmonë”, tha Schrott. Ai tha se “dhjetëra mijëra” euro të nevojshme për të mbuluar kostot në rritje nuk mund të fitoheshin në banakun e një furre të vogël buke.

Këto objekte vuajnë më shumë pasi kanë nevojë për shumë energji për të funksionuar furrat dhe ftohësit e brumit. Çmimet e grurit dhe miellit gjithashtu janë rritur ndjeshëm gjatë muajve të fundit, duke rritur më tej presionin.