Skandali “Insieme” merr përmasa të mëdha

Shefi i dyshuar për korrupsion J-P.L, ua ka dhënë tenderët dy firmave, në të cilat punon pikërisht djali i tij

Skandali në Administratën Tatimore me projektin e informatikës “Insieme”, si pasojë e të cilit  është shkarkuar  drejtuesi dhe është paditur shefi i kësaj adminstrate, po del më i rëndë se sa mendohej.

Shefi i dyshuar për korrupsion J-P.L , ua ka dhënë tenderët nga lëmi i informatikës dy firmave, në të cilat punon pikërisht djali i tij, ka zbuluar gazeta “Sonntags Zeitung” në numrin e saj të sotëm.

Fillimisht i biri i shefit ishte i punësuar në një firmë me seli në Zug ndërsa në viti 2010 ai kishte kaluar si menqaxher marketingu në një ndërmarrjen në Bernë. Dhe të dy këto firma kanë marrë punë nga Administrata Tatimore. Ndërsa po ashtu një ish punëtor i Administratës Tatimore është menaxher në firmën e përmendur të Zugut.

Ndërkohë, në mesin e të dyshuarve lidhur me skandalin ka hyrë edhe drejtori i përkohshëm i Administartës Tatimore, Samuel Tanner, i cili është emëruar pas shkarkimit të ish drejtorit Urs Ursprung. Ai ka marrë bashkë me Ursprung, vendimin për të injoruar kriteret e WTO-së me rastin e nënshkrimit të projektit “Insieme”. Tenderet janë dhënë secilën herë në shumat që janë pak më poshtë “pragut” të  WTO-së (nëse tejkalohet ky prag, tenderët duhet të jenë publike dhe shumëburimore).

Rreth skandalit më të ri është inkuadruar tashmë edhe politika. Deputeti federal i CVP-së Urs Schwaller, që është dhe kryetar i komisionit financiar ka thënë se këto shkelje “duhet të kenë konsekuencat e tyre madje edhe në rrafshin penal”.