Skuadra e madhe italiane e kërkon Xhakën

Roma ka shfaqur interes për mesfushorin shqiptar, Granit Xhaka

(KEYSTONE/Georgios Kefalas)

Përkundër se ka vazhduar kontratën me Arsenalin, mesfushori shqiptar, Granit Xhaka mund të largohet nga skuadra angleze.

Sipas mediave italiane, Roma është e interesuar për Xhakën, madje, drejtori sportiv, Monchi ka biseduar edhe me agjentin e lojtarit, përcjell albinfo.ch.

Ai shihet si zëvendësues për Radja Nainngolan, i cili la kaluar në Inter gjatë kësaj vere.

Xhaka ka kontratë deri në vitin 2023

Ai, madje, e ka vazhduar gjatë kësaj vere, dhe më parë nuk ka shfaqur shenja se dëshiron të largohet.

Por, interesimi i Romës mund t’i ndërrojë mendje, dhe dëshira për të nisur një aventurë të re në një tjetër ligë elitare.

Ai në Arsenal kishte kaluar nga Borussia Moenchengladbach para dy viteve për 40 milionë euro.

Derisa afati kalimtar është ende i hapur, Xhaka ishte titullar në miqësoren e fundit të Arsenalit, të fituar 2:0 ndaj Lazios.