Zviceranët nuk marrin pjesë në aktivitete kulturore, shkaku i pandemisë

Keystone

Rreth një në tre zviceranë thonë se nuk do të shkojnë në kinema ose në një muze derisa të mbarojë plotësisht pandemia e Covid-19.

Popullsia është bërë “më e rezervuar” për të marrë pjesë në aktivitete kulturore që nga qershori, sipas një sondazhi nga Zyra Federale e Kulturës.

Në fund të gushtit, 42% e 1.000 njerëzve që morën pjesë në sondazh thanë se do të fillonin të shkonin vetëm në ngjarje ose aktivitete të lidhura me kulturën më 2021; në qershor kjo shifër ishte 22%.

Përqindja ndryshon sipas aktivitetit: rreth 43% thanë se nuk ishin të përgatitur për të marrë pjesë në një koncert ose një shfaqje në një teatër, opera apo cirk. Ndërkohë, 36% thanë se nuk do të shkonin në një muze apo ekspozitë dhe 64% thanë se do të shmangnin festivalet.

Sektori i kulturës në Zvicër po lufton me pandeminë. Qeveria miratoi një paketë financiare me vlerë 280 milionë CHF për të ndihmuar bizneset dhe institucionet të përballen me ndikimin e pandemisë së koronavirusit në Zvicër. Rreth 65% e të pyeturve në studimin e ri menduan se sektori i kulturës duhet të marrë mbështetje shtesë financiare.