Sot, eklips i pjesshëm i diellit mbi Zvicër

Eklipsi i diellit në Zvicër fillon në orën 8 e 15 minuta, ndërsa maksimumin do ta mbërrijë rreth një orë më vonë

Sot, e martë, në qiell do të shfaqet një fenomen i rrallë, eklipsi i pjeshëm i diellit. Hëna do të gjendet në mes të tokës dhe diellit në atë mënyrë që do të mbulojë (eklipsojë) rreth dy të tretat e diellit.

Eklipsi i diellit në Zvicër fillon në orën 8 e 15 minuta, ndërsa maksimumin do ta mbërrijë rreth një orë më vonë. I gjithë „spektakli” përfundon në orën 10 e 30 minuta.

Fenomeni do të mund të përjetohet edhe nëse do të ketë mjegull. Prandaj pritet që rreth orës 10 të mos ketë ndriçim të mjaftueshëm.

Eklipsi i ardhshëm, i pjesshëm i diellit do të mund të shihet në Zvicër herën tjetër pas katër vitesh, ndërkaq, për të parë një eklips të plotë, duhet të presim edhe plot 70 vjet!