Festivali, i cili mbahet në Parkun e Gërmisë dhe pret mijëra adhurues të muzikës, është gati për t’i hapur dyert në orën 12:00.
Nga sot, deri më 7 gusht do të performojnë artistë të famshëm në botë dhe yje vendorë, transmeton albinfo.ch.
Bazuar në mënyrën e organizimit të Sunny Hill Festival, Komuna e Prishtinës ka thënë se është e nevojshme të ndalohet qarkullimi i mjeteve, për shkak të sigurisë publike dhe mbarëvajtjes së këtij aktiviteti.
Sipas Komunës së Prishtinës niveli i lartë i sigurisë është i nevojshëm për shkak të organizimit që llogaritet të ketë numër të madh të pjesëmarrësve të ndryshëm.
Organizatorët, në bashkëpunim dhe koordinim me Policinë e Kosovës, do të kujdesen për lëvizjen e qytetarëve dhe mjeteve në pjesën ku është ndaluar qarkullimi.
Duke filluar nga Dua Lipa, J Balvin, Skepta e Diplo, deri tek Elvana Gjata, Dhurata Dora, Ledri Vula, Azet e Zuna dhe më shumë, do të kujdesen që këto net verore të jenë të paharruara.