Sot ishte dita e parë e shkollës për nxënësit e 12 kantoneve

Shumica e këtyre kantoneve i takojnë zonës gjermane të Zvicrës, ku pushimet verore të nxënësve kanë zgjatur pesë deri në gjashtë javë

Keystone

Cingërima e zileve të shkollave sot në 12 kantone të Zvicrës ka shënuar fillimin e vitit të ri shkollor. Shumica e këtyre kantoneve i takojnë zonës gjermane të Zvicrës, si: Bernë, Baselstadt, Baselland, Neuchatel, Schaffhausen, Thurgau, Aargau, St.Gallen, të dy Appenzell-ët, Glarus.  Pushimet verore të nxënësve në këto kantone kanë zgjatur pesë deri në gjashtë javë, shkruan sda.c.h

Të enjten fillon viti i ri shkollor edhe në Kantonin e Solothurnit, ndërsa të hënën që vjen, edhe në shumicën e kantoneve tjera, si në: Graubünden, Luzern, Nid dhe Obwalden, Schwyz, Uri, Vaud, Jura, Zug si dhe në Principatën e Lihtenshtajnit, transmeton albinfo.ch.

Në Kantonin e Freiburgut pushimet përfundojnë më 24 gusht ndërsa në atë të Gjenevës dhe të Tiçinos, më 28 gusht. Po ashtu më 28 gusht fillojnë mësimet edhe në gjimnazet e Nidwaldenit dhe ato të Friburgut.