Spitalet nuk ka gjasa të mbingarkohen nga Omicroni

(KEYSTONE/Ti-Press/Alessandro Crinari)

Ka pasur shqetësime se përhapja kaq e vrullshme e infektimeve me Omikron do të rriste dramatikisht numrin e të shtruarve nëpër spitale. Por, një studim i fundit ka sjellë optimizëm se kjo nuk do të ndodhë.

Studiuesit nga Zvicra dhe Gjermania thonë se varianti Omicron nuk ka gjasa të shtyjë sistemet e kujdesit shëndetësor në mbingarkesë.

Omicron është dukshëm më infektues, por në dukje më pak i rëndë se varianti Delta, tha të enjten Zyra e Laboratorëve Federalë për Shkencën dhe Teknologjinë e Materialeve, përcjell albinfo.ch.

Një ekip ekspertësh modeloi skenarë të ndryshëm për muajt e ardhshëm për Zvicrën dhe Gjermaninë fqinje, duke përdorur tri nivele të veçanta të riprodhimit viral – 1.3, 1.5 dhe 1.8 si skenarin më të keq.

“Varianti Omicron nuk ka gjasa të shkaktojë një numër rekord të pranimeve në ICU (…) edhe në kushte të pafavorshme”, thuhet në një deklaratë.

Megjithatë, ata paralajmërojnë se mbeten disa rreziqe, veçanërisht mungesa e stafit në spitale dhe kapacitetet e kufizuara në diagnostikimin e Covid, përcjell tutje albinfo.ch.