Studimi gjerman: Fëmijët janë “frenues” të koronavirusit

Rezultatet e para të studimit nuk treguan asnjë provë që fëmijët ose adoleshentët përhapin virusin veçanërisht shpejt

Një studim i realizuar në Landin e Saksonisë, në Gjermani ka gjetur vetëm dnjë numër të papërfillshëm personash me antitrupa në  mesin e 2000 nxënëse dhe mësuesve të testuar, shkruan srf.ch.

Në studimin në të cilin kanë marrë pjesë rreth 1.500 nxënës dhe 500 mësues të shkollat ve të mesme, janë gjetur gjithsej vetëm dymbëdhjetë antitrupa, ka thënë profesori Reinhard Berner nga Spitali Universitar i Dresdenit.

Testet janë kryer gjithashtu në shkolla ku kishte pasur shpërthim të koronës midis majit dhe korrikut, transmeton albinfo.ch. Rezultatet e para të studimit nuk treguan asnjë provë që fëmijët ose adoleshentët përhapin virusin veçanërisht shpejt: “Fëmijët madje mund të jenë frena për infeksionin”, ka thënë Berner.

Nga rezultatet e përkohshme mund të nxirret përfundimi se nuk ka përhapje të madhe në shkolla në një rajon me numër të ulët infeksioni. Berner supozon se fëmijët dhe adoleshentët lëshojnë më pak pikëza kur kolliten. Përveç kësaj, njerëzit me një nivel të butë të sëmundjes janë dukshëm më pak të “aftë” për të bartur infeksionin tek të tjerët, përcjell albinfo.ch. Dhe pikërisht kjo ndodh më shpesh me fëmijët, thuhet në studim.

---