Stuhia i kushtoi Zvicrës 140 milionë franga

Kantoni që ka pësuar më së shumti nga moti me shira dhe breshër i javës së kaluar është Argau

Moti i ligë, me shira, stuhi dhe breshër që ka mbajtur ditëve të kaluara në Zvicër, ka shkaktuar dëme të mëdha materiale. Organet kompetente kanë vlerësuar se bëhet fjalë për dëme që arrijnë shifrën deri në 140 milionë franga.

Kantoni që ka pësuar më së shumti nga moti me shira i javës së kaluar është Argau. Këtë të dhënë e ka konfirmuar Federata ndërkantonale për kompensimin e dëmeve. Në këtë kanton ka pasur reshje më të mëdha breshëri dhe shtrëngata më të fuqishme se në regjionet tjera. Për pasojë, shumë bodrume janë vërshuar nga uji, shumë dritare janë thyer dhe madje edhe kulme shtëpishë janë shkatërruar.

Dëme në shifra milionëshe janë regjistruar edhe në kantonet si Appenzell-Ausserrhoden, Bernë, Lucern, Schaffhausen, Solothurn dhe Zug.