Sulmi në qendrën tregtare në Suedi, raportohet viktima e parë

Keystone EPA/JULIEN WARNAND

Raportohet se një burrë ka vdekur dhe një grua ndodhet në spital, pas të shtënave në një qendër tregtare në Suedi, raportoi të shtunën BBC, përcjell albinfo.ch.

Mediat shkruajnë se njerëzit në qendrën tregtare Emporia në qytetin jugor të Malmos u larguan në panik pasi dëgjuan rreth 20 të shtëna.

Policia ka arrestuar një adoleshent dhe beson se të shtënat kanë lidhje me tensionet në banda. Ajo vjen ndërsa Suedia përgatitet për zgjedhjet e përgjithshme muajin e ardhshëm, ku dhuna e bandave është në krye të shqetësimeve të votuesve.

Suedia ka ende një nga normat më të larta të vrasjeve me armë në Evropë.

Pas një sërë të shtënash kohët e fundit në qytetin më të vogël të Orebros, shefi i policisë lokale tha se ata tani kishin më shumë banda – dhe ato ishin bërë më të dhunshme.