Sulmojnë brutalisht një person me shkopinj bejsbolli

5-6 persona nga Ballkani kanë ardhur nga Gjermania në Zvicër par ta kthyer atje një vajzë 19-vjeçare që nuk donte të martohej

E shtuna mbrëmë ka qenë një teatër dhune të paparë për një zonë të qetë banimi në Mont, të kantonit Vaud, njofton «20 Minutes». Ngjarja e dhunshme ka ndodhur kur nga dy vetura nga Gjermania kanë zbritur 5-6 persona me prejardhje nga Ballkani, të cilët kishin ardhur ta kthejnë një vajzë 19-vjeçare, e cila nuk ka pranuar të martohej.

Fqinjë të lagjes tregojnë se kur vëllai i personit që e kishte strehuar vajzën është futur në ndërmjetësim, personat në fjalë e kishin sulmuar me shkopa bejsbolli, duke e goditur në kafkë, nga pasojat e të cilave villte. Bashkëshortja e të përdhunuarit, e cila ka qenë e pranishme me fëmijën, është dëgjuar duke qarë dhe bërtitur.

Çdo gjë duket të ketë shkuar shumë shpejt. Sulmuesit kanë ikur me vrap, por policia ka arritur t’ i ndalojë shumë shpejt. Sulmuesit janë prangosur në trotuar në pritje të gjetjes nga policia të shkopinjve të bejsbollit që i kishin hedhur gjatë rrugës.

Viktima e kësaj dhune është transportuar në spital.