Sunderland merr barazimin e katërt rresht, Xhaka dominon në mesfushë

Ja pse Xhaka është më i miri në Evropë në një element të rëndësishëm të lojës

Sunderland, i udhëhequr nga kapiteni Granit Xhaka, regjistroi barazimin e katërt rresht në Premierligë, këtë herë duke marrë një pikë si mysafir ndaj një tjetër klubi të madh, Tottenham Hotspur, transmeton albinfo.ch.

Ndikimi i Xhakës te Sunderland është i qartë dhe i madh. Transferimi i tij konsiderohet tashmë si një nga më të mirët e këtij edicioni në Premierligë. Jo vetëm që organizon lojën e skuadrës në mesfushë, por ai gjithashtu spikat për aftësitë defanzive.

Sipas statistikave të publikuara nga Sunderland të hënën, Xhaka është i vetmi lojtar në pesë ligat kryesore evropiane që ka kryer mbi 100 veprime të suksesshme për të ndaluar pasimet e kundërshtarit. Konkretisht, ai ka ndalur 103 pasime të kundërshtarëve këtë sezon, duke treguar aftësinë e tij për të lexuar lojën dhe për të rikuperuar topin në mënyrë efektive.

Këto statistika nënvizojnë jo vetëm ndikimin e tij në ofensivë dhe organizimin e lojës, por edhe rolin kyç në mbrojtje, duke e bërë Xhakën një nga lojtarët më të vlefshëm dhe më të dalluar të Sunderland në këtë edicion të Premierligës./Albinfo.ch

---