SVP/UDC nuk do marrëveshje për tatime me shtetet e korruptuara

SVP/UDC ka mbajtur një konferencë shtypi në Bernë, për të kërkuar pezullimin e menjëhershëm të marrëveshjeve për shkëmbim automatik të informacionit (AER/EAR) në lidhje me çështjet tatimore.

Marrëveshjet AER/EAR me shtete dhe territore me regjime autoritare që nuk i respektojnë parimet e sundimit të ligjit, ose të korruptuara, do të kenë pasoja të rënda jo vetëm për të huajt që e kanë vënë pasurinë e tyre të sigurt në Zvicër, por edhe për zviceranët jashtë vendit që jetojnë atje. SVP/UDC ka formuluar kërkesat e saj për mbledhjen e 14 dhe 15 gushtit të ardhshëm të Komitetit Ekonomik të Këshillit Kombëtar. Ajo gjithashtu ka paraqitur me këtë rast dokumentin e saj me titullin “Për një qendër konkurruese financiare, inovative dhe të pavarur”.

Pavarësisht rezervave në drejtim të së drejtës kushtetuese që i rrethojnë këto projekte, Sekretariati i Shtetit për Çështje Ndërkombëtare Financiare (SIF), shërbimi i ngarkuar për këtë dosje në Departamentin Federal të Financave (FDF), synon të zgjerojë rrjetin të paraqitur në marrëveshjen AER/EAR në të paktën 41 shtete dhe territore të tjera. Në këtë listë mund të gjeni vende, si Argjentina, Brazili, Kolumbia dhe Meksika, edhe regjimet autoritare, si Kina dhe Rusia.