Swatch, me rritje rekorde

Qarkullimi është rritur për 21.7% ndërsa fitimi i pastër për 18.1 për qind krahasuar me vitin 2010

Industria e orëve Swatch ka realizuar gjatë vitit 2011 një qarkullim rekord prej 7.14 miliardë frangash, që është për 21.7 për qind më shumë se një vit më parë. Ndërkaq fitimi i pastër i realizuar nga Swatch ka qenë 1.28 miliard franga ose për 18.1 për qind më i madh se sa në vitin 2010.

Me gjithë këto rezultate rekorde, në Swatch thonë se frangu i fortë e ka zvogëluar fitimin e koncernit për 700 milionë franga të tjera. Po kështu edhe ngritja e çmimit të lëndës së parë ka zvogëluar fitimin. Përkundër rrethanave të tilla, Swatch llogarit të punojë me fitim ehde gjatë vitit 2012.

Gjatë vitit 2011 ky koncern ka hapur 2800 vende të reja të punës.