Tarifat e paralajmëruara të Donald Trump, Gjermania – shteti që do ta pësonte më së shumti

Keystone (AP Photo/Evan Vucci)

Gjatë vitit 2023, rreth 20 vende anëtare të Bashkimit Evropian eksportuan më shumë në Shtetet e Bashkuara të Amerikës  sesa importuan. Agjencia e statistikave të BE-së, Eurostat, ka bërë të ditur se, vendi me suficitin më të madh ishte Gjermania, e ndjekur nga Italia dhe Irlanda.

Në bazë të kësaj, nëse presidenti amerikan, Donald Trump, do të vendoste tarifa ndaj Bashkimit Evropian, ashtu siç ka paralajmëruar, Gjermania, ekonomia më e madhe e BE-së, mund të goditet më rëndë. Mbi 30% e të gjitha eksporteve të mallrave transatlantike të BE-së ishin nga Gjermania në vitin 2023, raporton BBC.

Trumpi është ankuar vazhdimisht për eksportet e veturave e të BE-së në SHBA, duke thënë se më pak automjete amerikane pranohen nga BE-ja. Ndërkohë shumica e eksporteve të Gjermanisë ishin vetura dhe makineri, transmeton albinfo.ch.