Të dielën në Bazel mbahet turnir në Futsal, organizuar nga FC Dardania

Për herë të katërt me radhë, klubi i futbollit Dardania të dielën në Bazel e organizon turneun e 4-t me radhë në Futsal, njofton albinfo.ch.

Turneu do të mbahet të dielën, më 27 janar, këtë fundjavë.

“Do të zhvillohet modeli i lojës 5+1. Janë regjistruar 25 ekipe dhe do të zhvillohen mbi 40-të ndeshje. Për tri vendet e para do të ndahen çmime. Vendit të parë do t’i ndahen 1000 Fr, vendit të dytë 500 Fr dhe vendit të tretë 300 Fr. Do të vlerësohet edhe ekipi më FairPlay. Lojtarit më të mirë do t’i ndahet triko nga lojtari i Liverpool-it, Xherdan Shaqirit, ndërsa portierit më të mirë, triko nga portieri i Liverpool-it, Alisson Becker-i”, thotë Besim Bublica nga ekipi i FC Dardanisë së Bazelit.

Ndeshjet do të luhen në Rankhofhalle, në Grenzacherstrasse 405, 4058 Basel.

Këtë turne nga afër do ta ndjekë edhe ekipi i albinfo.ch.