Tendenca të destabilizimit në veri, grupe serbe kryejnë trajnime në Rashkë

@albinfo.ch

Në veri të Kosovës ka tendenca të destabilizimit të situatës, sidomos në prag të zgjefhjeve lokale në 4 komunat veriore.

Kjo informatë doli pas raportimit të
drejtorit të Agjencisë së Kosovës për Inteligjencë, Petrit Ajeti para komisionit parlamentar për mbikëqyrjen e AKI-së.

“Gjendja e sigurisë në Kosovë në përgjithësi konstatohet të jetë stabile, në përjashtim të katër komunave veriore të vendit, ku shihet tendenca për destabilizim. E ashtuquajtura organizata e mbrojtjes civile atje në bashkëpunim edhe me Listën Serbe, vazhdimisht kanë aktivitet në veri të vendit. Pjesëtarë të kësaj organizata, tashmë dy grupe janë duke kryer kurset e trajnimit në Rashkë për veprime destabilizuese në Kosovë”, tha kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, përcjell albinfo.ch.

Sipas Musliut institucionet e Kosovës duhet të jenë të përgatitura për çdo provokim në veri.

“Linçimi dhe presioni është rritur ndaj qytetarëve serb, të cilës nuk i binden Listës Serbe në veri të Kosovës, prandaj si shtet dhe institucione duhet të jemi vigjilent dhe të përgatitur për çdo provokim të situatës atje që mos të na zënë në befasi, pasi asgjë nuk mund të jetë e papritur”, theksoi Musliu.