Thaçi e Vuçiqi pajtohen për fazën përfundimtare të dialogut

Presidenti i Kosovës, Hashim Thaçi ka takuar Përfaqësuesen e Lartë të Bashkimit Evropian për Punë të Jashtme dhe Politika të Sigurisë, Federica Mogherini, e më pas ka pasur një takim të përbashkët edhe me presidentin e Serbisë, Aleksandër Vuçiq.

“Kemi folur për procesin e liberalizimit të vizave dhe pritshmëritë e qytetarëve të Kosovës për të lëvizur këtë vit të lirë në zonën Shengen. Me zonjën Mogherini, po ashtu, biseduam për domosdoshmërinë e vazhdimit të dialogut për normalizimin e marrëdhënieve me Serbinë”, ka thënë Thaçi, përcjell albinfo.ch.

Presidenti ka thënë se edhe me Vuçiqin janë pajtuar që faza përfundimtare e dialogut për normalizimin e marrëdhënieve mes dy vendeve të fillojë në një të ardhme të afërt. “Është një moment i ri që kërkon mobilizim të të gjitha forcave politike, shoqërisë civile dhe mediave në Kosovë, sepse përfundimi i procesit do të jetë njohja e Kosovës nga Serbia dhe anëtarësimi ynë në OKB”, ka thënë ai. Ndërsa, presidenti serb ka thënë se shteti i tij është i gatshëm për dialog, kur fjala është për Kosovën, por ka kërkuar që së pari që formohet Asociacioni.