Trajneri i Kombëtares Shqiptare bën thirrje për agresivitet, shpejtësi e shmangie gabimesh

Trajneri i Kombëtares Shqiptare, Edi Reja në konferencën për shtyp në prag të ndeshjes ndaj Francës në “Saint Denis” bëri thirrje që skuadra të luajë e mobilizuar maksimalisht dhe të shmangë gabimet, për të shpresuar në një rezultat pozitiv.

Ai i këshilloi lojëtaret e tij që të mos bëjnë gabime dhe t’i japin sa më pak hapësira Francës.

“Duhet të japim maksimumin dhe të mbyllim çdo hapësirë, pasi një gabim i vogël, mund të kushtojë shtrenjtë”, ka thënë ai.

Ndër të tjera ai ka theksuar se duhet më shumë shpejtësi dhe agresivitet në markim, transmeton TCH.

“Franca ka shumë cilësi dhe Griezmann është një futbollist që shfrytëzon çdo lloj hapësira e mund të na vërë në vështirësi edhe nga hiçi. Duhet të rreshtohemi mirë, të jemi agresivë dhe t’i markojmë kundërshtarët në çdo cep të fushës”, ka potencuar trajneri, përcjell albinfo.ch

---