Transparencë për burimet financiare

Secila parti dhe secili grupim duhet të prezantojë publikisht se me çfarë fondi të hollash merr pjesë në fushatë

Komisioni për politikë shtetërore i Dhomës së Kantoneve  ka ngritur një mocion me të cilin kërkon transparencë më të madhe në fushatat e votimeve dhe referendumeve popullore.

Në këto fushata secila parti dhe secili grupim pjesëmarrës duhet të prezantojë publikisht se kush, me çfarë fondi të hollash merr pjesë në fushatë.

Komisioni thotë se është kufizuar me qëllim te fushatat e votimeve popullore për shkakun se ato luajnë rol shumë të rëndësishëm në sistemin e demokracisë së drejtpërdrejtë.

Ndërkaq, në fokus të komisionit në fjalë, kësaj here nuk janë edhe burimet financiare të partive. Në rast se të dy dhomat e Parlamentit Nacional votojnë në favor të mocionit, atëherë qeveria nacionale duhet të përgatisë bazën ligjore për këtë temë, të cilën do t`ia kalojë parlamentit.