Transportohet ndërtesa e rëndë 6200 tonë

Në  Cyrih është duke u zhvilluar sot një aksion i pashembullt: transportimi i një ndërtese të tërë në një distancë prej 60 metrash.

Ndërtesa e ish drejtorisë së Fabrikës së makinave MFO të Oerlikonit të Cyrihut ka filluar të bartet në një lokacion të afërt, për t`i liruar vend zgjerimit të stacionit të trenit të këtij lokaliteti.

Një aksion i tillë, shumë i rrallë në fushën e ndërtimeve planifikohet të zgjasë rreth 15 orë. Gjatë kësaj kohe me makineri speciale po bartet ndërtesa e rëndë 6200 tonë, e gjatë 80 metra dhe e lartë 12 metra. Me këtë po arrihet një rekord evropian i këtij lloji.

Me këtë rast në Oerlikon po mbahet një festë popullore.