Tre të plagosur dhe tre të zhdukur pas një zjarri në shtëpi në Lucern

Luzerner Polizei @PolizeiLuzern, X

Të hënën në mëngjes, një ndërtesë banimi u dogj në Escholzmatt Lucern, në lagjen Wiggen. Tre persona kanë mbetur të plagosur, disa prej tyre në rrezik për jetën. Tre persona të tjerë janë të zhdukur. Zjarrfikësit e policisë së Lucernit po hetojnë shkakun e zjarrit.

Flakët e larta disa metërshe shpërthyen të hënën në mbrëmje në Entlebuch, në komunën Escholzmatt-Marbach LU, rrethi i Wiggen. Zjarri ka rënë në një ndërtesë banimi. Zjarri mund të shihej nga larg kur ekipet e shpëtimit mbërritën rreth orës 1:20 të mëngjesit.

Siç shkruan policia e Lucernit, një 36-vjeçar dhe një 43-vjeçar kanë pësuar lëndime të konsiderueshme dhe janë dërguar në spital me helikopterin e shpëtimit, ndërsa një 38-vjeçar ka mbetur i plagosur lehtë.

Aktualisht rezultojnë të zhdukur tre persona që dyshohet se ndodheshin në shtëpi në momentin e rënies së zjarrit.

Shkaku i zjarrit aktualisht po hetohet nga zjarrfikësit e policisë së Lucernit. E pyetur nga Blick, policia nuk ka dashur të japë asnjë informacion të mëtejshëm për moshën dhe gjininë e personave. Më shumë informacion do të jepet në konferencën për shtyp në orën 11:15. /Blick