Tronditen te Kombëtarja, sulmuesi kuqezi përfundon në spital

Alarm në Kombëtare para ndeshjes me Serbinë, Rey Manaj përfundon në spital

Rey Manaj nuk po kalon një gjendje të mirë shëndetësore, me sulmuesin që po vuan nga një gjendje gripale.

Së fundi është mësuar se lushnjari është dërguar në spital, ku po merr edhe ndihmën e mjekëve.

Kjo pasi mësohet se sulmuesi ka pasur temperaturë të lartë, e cila nuk po i kalon.

Siç dihet, lojtari prej disa ditësh nuk po stërvitet me grupin e Kombëtares, për shkak të gjendjes së tij shëndetësore, teksa ka zhvilluar disa seanca në palestër veçmas pjesës tjetër të ekipit.

Kjo ka “alarmuar” stafin e kuqezinjve vetëm 2 ditë para duelit delikat me Serbinë, takim që do të luhet ditën e shtunë në “Arenën Kombëtare”, në orën 20:45.

---