Turizmi zviceran më i miri në botë

Studimi i bërë nga Forumi Ekonomik Botëror është realizuar në 139 vende të botës

Zvicra vazhdon të mbajë vendin e parë në botë si destinacion për turizëm. Ky vlerësim ka dalë nga një studim i bërë nga Forumi Ekonomik Botëror (WEF). Studimi i fundit ka radhitur Zvicren për turizëm para Gjermanisë, Francës dhe Austrisë.

Sa i përket kualifikimi të personelit, Zvicra ka zënë vendin e dytë në mbarë botën. Por për rrugët, urat dhe hekurudhat dhe për infratrukturën tjetër rrugore janë vetëm 5 vende tjera më të mira në botë.

Ndërkaq për infrastrukturën e përgjithshme të turizmit, si për shtretër dhe hotele, Forumi Ekonomik Botëror e ka radhitur Zvicren të tetën në botë.

Dobësia më e madhe e turizmit zviceran është vlerësuar të jetë niveli i çmimeve.

Studimi i bërë nga Forumi Ekonomik Botëror është realizuar në 139 vende të botës dhe bazohet në të dhënat, si siguria, infrastruktura dhe burimet natyrore në fushën e turizmit.

Gjermania dhe Franca kanë përmirësuar turizmin duke u ngritur për një vend më lartë, krahasuar me studimin e fundit. Austria shënoi rënie nga vendi i dytë në të katërtin. Më pas vjen Suedia, SHBA dhe Spanja. Italia radhitet e 27-ta, ndërsa Greqia e 29-ta.