Turqia nis aplikimin e vaksinës anti-Covid, të cilën e ka prodhuar vetë

(AP Photo/Nam Y. Huh)

Spitalet në Turqi kanë nisur aplikimin e vaksinës vendase kundër COVID-19, ‘TURKOVAC’, e cila ka marrë miratimin për përdorim emergjent.

Vaksina ‘TURKOVAC’, e cila po përdoret masivisht, po aplikohet edhe në seksionin e përgjithshëm të spitalit të qytetit të Ankarasë, raporton AA, transmeton Albinfo.ch.

‘TURKOVAC’ po aplikohet në 10 dhoma vaksinimi të spitalit që në orët e para të mëngjesit, ku shumë qytetarë qëndrojnë në radhë për t’u vaksinuar. Thuhet se numri i dhomave të vaksinimit mund të rritet sipas numrit të personave.

Një qytetar tha se ishte në pritje të dozës përforcuese ‘TURKOVAC’, pasi i kishte kryer të dyja dozat e vaksinës ‘BioNTech’.

Një ditë më parë, ministri i Shëndetësisë, Fahrettin Koca, bëri të ditur për vaksinën TURKOVAC.