Turqia ‘pushton’ Shqipërinë me investime

Investimet turke në Shqipëri shënuan vlerën 63 milionë euro, në fund të 9-mujorit 2021.

Sipas një raporti të dalë nga Banka e Shqipërisë, pas Holandës dhe Italisë, Turqia është investitori i tretë më i madh në Shqipëri, edhe pse investimet turke kanë pësuar rënie me 18% krahasuar me një vit më parë.

Sektorët potencialë ku dominojnë investitorët turq janë sistemi financiar (banka), industria e rëndë (nxjerrja dhe përpunimi i çelikut), ndërtimi, telekomunikacioni, tekstilet, sistemi bankar, logjistika dhe shëndetësia, transmeton Albinfo.ch.

Turqia është një vend partner i rëndësishëm tregtar ekonomik me Shqipërinë. Gjatë 11-mujorit 2021 shkëmbimet tregtare të Shqipërisë me Turqinë u rritën 81 miliardë lekë.

Ndërkohë, bashkëpunimi tregtar me Turqinë zë 6.8 % të gjithë vëllimit tregtar që zhvillon Shqipëria me vende të ndryshme të botës.

 

---