Ushtari i sëmurë rëndë me Covid evakuohet nga Kosova në Austri

Forcat e Armatosura të Austrisë kanë kryer evakuimin mjekësor emergjent të një ushtari të NATO-s nga Kosova në Austri për trajtim të mëtejshëm

Forcat e Armatosura të Austrisë kanë kryer evakuimin mjekësor emergjent nga Kosova. Një C-130 “Hercules” evakuoi një ushtar, transmeton albinfo.at.

Thuhet se në orën 18:00 të së shtunës, një C-130 “Hercules”(avion transporti, kryesisht ushtarak) i ushtrisë federale u ngrit nga Linz-Hörsching me destinacion në aeroportin e Prishtinës në Kosovë, njoftoi të hënën Ministria e Mbrojtjes austriake.

Arsyeja ishte se një ushtar i NATO-s, i cili ishte i sëmurë rëndë me Covid-19, duhej të dërgohej urgjentisht në Austri për trajtim të mëtejshëm. Instalimi i një kontejneri të posaçëm në “Hercules” bën të mundur transportimin në ajër të pacientit në terapi intensive, sipas ministrisë.

“Është një ndjenjë e mirë të dish se ne jemi në gjendje të sjellim menjëherë në shtëpi në Austri njerëz, të cilët nuk mund të marrin kujdesin e duhur mjekësor gjatë një sëmundje jashtë vendit. Unë do të doja të falënderoja shprehimisht të gjithë të përfshirë në fushatën e evakuimit për angazhimin e tyre. Uroj ushtarin e sëmurë një shërim të shpejtë”, tha ministrja e Mbrojtjes, Klaudia Tanner.

Theksohet se ushtari tani ndodhet në spitalin e Linzit, transmeton tutje albinfo.at.

 

---